2014年7月31日 星期四

我們回來了 ！(包行程路線 ) ( Home : Itinerary information)

2014 暑假走了土耳其一個圈, 土耳其面積大約 十份之一的中國, 但土西及土東是兩個不同的地方, 文化及歷史亦不一樣 ! 一般旅客主要到土耳其西邊如伊斯坦堡, 愛琴海. 地中海等, 因東邊接壤伊朗, 敘利亞, 伊拉克等中東國家, 加上旅程時間得長, 城市與城市之間須要乘巴士6-8 小時, 可遊覽的地方亦很散, 須要跟團或包車, 所以一般背包客亦不會選擇 !
畫得有點似頭小狗
行程路線 :

Day 01 - 2014. 06.13 : Ready to go ! 準備出發 !


 Day 04-06 2014.06.16-18土耳其 地中海 Fethiye 費提葉 (Oludeniz 小死海 , 12 island Boat tour)

Day 07-08 : 2014. 06.19-20 土中 Part 1 - Cappadocia 卡帕多細亞 ( Goreme 格雷梅)

 Day 09-10 : 2014. 06.21-22 土中 Part 2 - Cappadocia 卡帕多細亞 ( Urgup, Ortahisar, Zelve, Pasabag, Devrent Valley)

 Day 11 -12 2014.06.23-24 向土東出發 ( Kahta, Mt. Nemrut, Urfa,Harran)

 Day 13 2016.06.25 土東 :Mardin 馬爾丁

 Day 14-15 : 2014.06.26-27 土東 Van 凡城

 Day 16 - 2014.06.28 土東 Dogubayazit 多烏巴亞澤特

 Day 17-18 : 2014.06.29-30 土東 Kars卡爾斯 , Ani 阿尼

 Day 19-20 2014.07.01 -0 2土耳其 黑海 Trabzon 特拉布宗 (Sumela monastery, Uzungol)

 Day 21-22 2014.07.03-04土耳其 黑海 Amaysa 阿馬西亞

 Day 23-25 : 2014.07.05- 2014.07.07 土耳其首都 Ankara ( Hattusa) 安卡拉 (哈圖沙)

 Day 26-27 :2014.07.08-09 Part 1 Istanbul 伊斯坦堡

 Day 28-30 :2014.07.10-12 Part 2 Istanbul 伊斯坦堡

號外篇 : 食物

號外篇 : 貓貓狗狗

資料篇 :參考書籍及花費

當日選擇土耳其, 是因為這是一個橫跨歐亞兩洲, 加上是一個伊斯蘭教的國家, 都比之前歐洲的國家, 一定會有不同之處 ! 估不到, 土耳其真的是一個十分有趣, 多元化的國家, 去土耳其一定要先了解它的歷史, 因為當你欣賞這個國家時, 你會更能細味 ! 坦白, 它沒有 歐洲華麗的教堂,皇宮因土耳其的 清真寺及 皇宮, 基本上是踏實, 不富麗堂皇, 但當你了解背后的歷史, 總教人一看再看．

土西跟土東給我的感覺 是兩個不同的地方, 土西是一個美麗,活潑 充滿活力的少女, 身旁有許多少男圍繞, 大家都會為她的美貌讚坦, 所有的感覺都是很直接

土東是一個默默無言的二奶仔，比人感覺是一個專攪攪震, 所以會有很多歧視, 但其實二奶仔也很努力讀書希望可擁有大奶個仔有相同的待遇.

大家對土東有很大的誤解因為附近有不和平的鄰居, 加上對土東主要是庫爾德人, 恐怖組織PKK 等, 令人更感不安, 但我到過土東, 我覺得人很和善, 加上外地旅客不多, 對我們很好奇, 但都是友善, 尤其是上年齡的公公婆婆.

今次旅行完畢后，剛巧以巴的戰爭打得火紅，加上ISIS (伊拉克和黎凡特伊斯蘭國) 等等, 我亦看了些有關中東的書，覺得這地方有如此豐富的歷史及文化, 但彷似給詛咒, 總是打不停, 對生命是如此脆弱.

最後, 今次旅行是自由行但一定不是窮遊因我們會選擇特式酒店, 不會餐餐食麵包,  品嘗地道餐廳, 去玩下滑翔傘, 熱氣球, 土耳其的文化活動,因為一來我們年紀不輕 ( 坐一晚夜車要幾日恢復體力 , haha ), 二來假期時間有限, 曾旅遊過的地方, 再探訪的機會較低, 所以 才選擇一個月遊覽一個國家, 儘量找不同的旅行經驗

最後希望這遊記能提供一些額外資訊的給大家, 旅行之前找資料, 較多是背包客形式, 如較多夜車, 行程較趕, 住 hostel 或 shared dorm, 食下麵包等等.  如果是年長一點的朋友遊記, 大部份人會選擇旅行團, 好似自由行又比較適合玩得輕鬆D, 深度D 的 土耳其遊記資料比較少.

我們的回憶．．．

Next - Day 1 




張貼者： 於 沒有留言:

資料篇 :參考書籍及花費 ( Information - books and expense)

參考書籍

 今次去土耳其, 之前都睇不少書, 主要因土東資料較少, 所以自己先買左一本地球之步行-土耳其( mook 出版), 另跟 Lonely Planet 為主, 其他參考的書 ( 主要英文書) 有 :
  • Eastern Turkey - Bradt 出版 : 土東資料詳細, 但主要以自己開車, 所以有關 transportation 資料不夠, 但可以作輔助用, 介紹算清楚不錯.
  • Turkey - eyewitness travel 出版 : 去年去南美覺得 eyewitness travel 很好, 但土耳其的不是太好
  • Turkey - Fodar's : 可參考酒店及餐廳
  • 土耳其 - 人人遊世界 : ：如果已經有地球, 不用要人人, 資料相比較簡單. 
  • Lonely Planet 土耳其 中文版  ( 簡體字 ) 
另外, 我 仲有帶 土耳其手指指 ( 唔多用 ) 及 之前自己學左少少土耳其文 ( 主要土東要用 ) -get started turkish.   部份書 ( 紅字) 我有 electronic version, 如有須要, 可聯絡

Web site : 
主要先睇 背包客棧, 因為相對香港的 forum, 呢度多好多資料

  •  http://www.backpackers.com.tw/forum/forumdisplay.php?f=93  
  • http://www.itahk.net/new/forum/forumdisplay.php?fid=56 
  • http://www.turkeytravelplanner.com/go/index.html   - 有 好多豐富資料及行程
如果到土西, 網上資料都唔少, 如果到土東呢則少許多, 不過 我覺得 Lonely Planet 及 Eastern Turkey - Bradt  資料都好足夠, 當然亦有不少 前人的 blog, 基本上行程及景點都大同小異, 所以雖然資料不多, 但亦不算十分難計劃, 反之, 自己先要睇行程時間及金錢是否足夠, 因為土西都是比較出名及較易自由行前往.

巴士 資料 揾路線及時間 :
  • http://www.neredennereye.com/bus-ticket/
  •  http://webbilet.com/Default.aspx 

如果會搭飛機, 可以睇下呢度 http://www.flightstats.com/go/Home/home.do 睇下有乜機到及時間, 當然一些search enginer 如 kayak.com 都有類似功能, 不過有時某D airline 唔會係呢D flight search 出現, 所以可以考慮下.

另外, 我自己亦 download 左triposo - Turkey 個apps, 因為佢解釋每個城市( 或名勝)的歷史, 文化, 建築都好清楚 ( 只有英文), 資料來自 Wikipedia, 所以要自行判斷. 由於我地有上網 plan, 當然 google translate,  地圖 不用之前準備
好多書先由公共圖書館借, 睇下先..
花費 
決定要一個國家玩一個月, 就係想慢慢玩 ( 雖然都好趕 ),  唔想到此一遊一個國家或只到一兩個城市, 唔計 shopping 兩人共花大約港幣六萬. 我知好多兩個人花三萬都夠, 但我地今次沒有刻意住差Ｄ, 食差D, 而且比較玩得特別D, 刺激活動, 文化活動, 樣樣都玩 ! 我之前都話我地唔係窮遊 ( 笑 !)

消費活動比例比較大因包括到跟團到土東, Ani, Van 及 哈圖沙 須要包車跟 Private tour, 滑翔傘, air balloon, 學畫畫, Haman, Green Tour ( Cappadocia ), 12 Island Tour (  Fethiye ), 有關 每個 消費活動 的價錢, 可以見睇番每個地方的遊記 !

食其實都可以平, 不過我地基本上午餐及晚餐都會在餐廳食, 有平亦有比較有特式, 所以價錢亦較貴, 有些餐廳, 除左土耳其, 你亦無機會試到的話, 建議有機會就一試啦 ！

住宿主要是 double room ( 有 private facilities ) 除左特式酒店外, 一般 HK$400已經有不錯的酒店

城市與城市交通主要坐長途巴士, 但只有一晚夜車, 因為年紀大....哈哈!  不過, 其實土耳其如果有時間, 都值得坐日車睇風景, 坐夜車當然可以節省時間及酒店, 但第二日比較攰, 好多景點可能因為咁唔去睇或者匆匆睇過, 就會因小失大啦!

項目 ( 兩人費用) HK$ % 
入場費 2500 4%
酒店 13000 24%
餐飲 10000 17%
消費
(包括 Private tour ,包車)		 18000 30%
交通 ( 包括長途巴士及 local transportation ) 5000 8%
其他 500 4%
機票 11000 19%

我地主要用 euro 換 TL ( 或者 ATM 提款 ).
Exchange Rate : 1TL = 3.77$

希望資料給你們作參考

Home

張貼者： 於 沒有留言:

號外篇 : 貓貓狗狗 ( Information : Cats and Dogs)

點解要有一篇叫貓貓狗狗 , 因為土耳其真係好多貓貓狗狗 , 尤其是貓貓, 簡直多都日日都見幾頭, 在 Selcuk, 棉堡 及地中海, 貓 唔怕人, 又會捉你的手, 叫你比野佢食 ! 總之, 一定唔會放過你 !


介紹部份較特別的貓貓狗狗:

 呢隻在蘇菲律亞教堂不停爬上人身, 任玩! 
Istanbul : 見到我地, 立刻去樹爪爪, 嚇死! 
唔記得邊間餐廳, 又係一見你就望實, hea hea hea... 喵喵叫... 要野食! 
棉堡: 一見人就馬上過來, 仲要目露兇光

阿弗羅狄西亞 : 顏色好靚, 你見到對眼睛嗎 ? 


以弗所 : 好多貓, 呢隻瞓到死左..
Istanbul hostel : 出門時突然閃入房, 然後揀左背囊當係佢屋企
除在貓, 狗亦不少, 但無貓咁多, 但 佢地有D 唔係好客氣, 一見就攞野食.....
Trabzon 公園 : 自己玩都咁開心
跟團去土東, 中途站落車, 人仲未落車,  狗狗立刻過來好似好可憐攞野食 ! 
hostel 入面隻狗狗, 坐左好耐好乖... 不過我地都無比... 
人頭山 Cendere 橋 : 我地睇緊風景, 忽然狗狗行過來, 然後在我地面前... 伸懶腰... 想點 ?! 
佢唔係狗, 不過佢好似識聽廣東話, 我地話映相, 佢就望過來 ！擺晒 pose....

土耳其仲會見到羊群, 馬車, 牛, 有機會, 留意睇下 !
張貼者： 於 沒有留言:

號外篇 : 食物 ( Information : food and drink)

今次 遊記沒有每日寫下日日食乜因為土耳其的飲食基本上差不多, 所以有呢篇食物篇分享下. 另外, 我有一份有相有介紹的土耳其美食資料 ( 包含湯, 麵包, 前菜, 燉菜, 烤肉, 海鮮, 飲品及甜品), 如有須要請留言索取.

傳統土耳其早餐好健康,  青瓜, 蕃茄, 芝士, 橄欖, 不用果醬, 圓形粉紅色是雞肉腸
傳統土耳其早餐
佢地仲會有好多 款式的果醬
大部份酒店提供自助早餐, 5 星酒店就多D 款式, 如果住 hostel, 基本上只有西瓜,青瓜, 蕃茄, 面包
有D 提供生果
土耳其早餐食類似我地的春卷, 入面係類似 cheese 味道
佢地都有煎雞蛋, 好熟同用熱 pan 比你
高級酒店的早餐好豐富...如果有機會, 問下酒店是否有蕃茄煮雞蛋 ( 上圖右上角春卷旁 一 pat pat 的東西) , 好好味 !
近地中海好多英國人去, 所以自己都試過食英式早餐
簡單D 的面包早餐
主餐 基本上是燒肉但 一定有 法式 麵包,沙律

 青沙律是希臘式 - 青瓜跟蕃茄,  有D 會加上 玉米, 小量菜, 伴 olive oil 及土耳其果醋 ( 黑色的)

右上角是少許辣, 都常見, 跟面包一齊食, 左下角碟有D 似 Salsa 醬 
餐館較少見, 有D 酸, 配魚時食的 Green Salad 
西式Grilled Vegetables

土耳其有飯食, 不過唔係主食, 只係 side dish. 面包主要係法式 麵包, 不過都類此似 pizza, 薄餅等 的..

飯有白米, 亦有D 類似 小麥

湯主要是豆湯, 亦都有蕃茄湯, 但唔多特別選擇

肉... 土耳其無豬肉, 只有牛雞羊. 主要都係燒, 有D 用 Doner Kaber 形式 ( 香港成日見到有一"look" 肉,旋轉燒烤) 或者好似西人燒野食, 鐵架上燒
不同組合, 不過都係牛肉
有D 會似碟頭飯, 好係燒肉
土耳其都多同 甕方法( güveç )煮食, 冬天保溫一流
除左燒牛雞羊, 下面介紹D 食過比較特別的食物: 
只係 Cappadocia 才見到的 壺燒 Testi 燒烤, 要打破個壺, 好 juicy ! 
Meze  :佢地話係前菜, 伴面包一齊食, 有唔同的組合, 呢個係二人份, 我地見隔離台人人都只係食份 Meze 就走... 不過唔多餐廳有, 我地只係Mardin 較高級餐廳才見有類似的 platter 
 上面張相係燉羊, 餐廳話係傳統亞述時代食品
呢個在 Kars 食到一個類似牛骨髓的湯
餐餐食燒肉實頂唔住, 好彩仲有 Lokanta 餐廳, 好似香港的車仔面, 唔識土耳其文只須要手指指, 就可以點食乜餸, 仲有不少款式, 有肉有菜, 不過少少油

不同Lokanta 的食物,比起燒肉, 多數有汁, 送飯一流  !
土耳其不少沿海城市及河湖，所以亦有不少機會食到魚, 魚品種都不少, 但主要是 grill, 炸, 食法比較單調

到魚市場亦可自己買海鮮比餐廳
其他煮的方法, 不過我覺得燒最好味.. 

除左魚, 還有其他如蝦, 八爪魚, etc

飲品- 首選 cay 茶 !熱天飲都覺得好舒服, 而且我又喜歡飲茶, 飯後一杯茶, 中途站又一杯, 無野做又一杯... 
留意只有土耳其的茶杯是有線條 -鬱金香花形因為 鄂圖曼帝國 十分喜愛 鬱金香, 皇宮及清真寺都常見鬱金香花圖案
杯碟都有 evil eyes ... 
土耳其  咖啡 跟 意大利 expresso 雖然大家都係細細杯, 但煮法及味道都好唔同, 千其唔好一口飲晒, 入面好多殘留 咖啡, 可以用來占卜
土耳其是伊斯蘭教, 所以唔多地方有酒, 要去餐廳飲 ,啤酒唔多選擇, 紅酒以 Cappodicia 出產較出名, 左邊相是 Raki, 加水會變白,又名獅子奶, 好強的茴香味, 酒精濃度45-50度, 我地見過有一台 russian 四個人飲左兩支.. shot !
土耳其都有不少奶類產品，左上Kanlica Yogart, 一定要飲, 因為好好味 ! 右上叫 Ayran , 是 Yogart 加 鹽, 勁難飲,又酸又咸, 右下都是 Ayran, 如果你地食 Keber Doner, 通常會飲 Ayran,左下是 Boza, 玉米發酵飲品, 所以我都唔喜歡
上面講左酒唔 common, 所以餐廳, 士多主要飲汽水同 lemon tea ( or peach tea ! ) 中間相是我覺得最好味的 lemon tea 因為當時烈日行左幾個小時, 又攰又熱 ! 最右的是 有氣蘋果蓋汽水. 好味! 
我唔係一個甜品 fans, 我只覺得土耳其甜品好甜, 雪糕好甜, 派好甜, 布丁好甜....  





睇完, 好明顯知道土耳其唔好 期望有好好野食, 我地識人去左一星期已經頂唔住, 要食中國菜, 我地去一個月, 除左一兩餐食 food court, 基本上都係食土耳其餐, 因為我又唔覺得好難食, 不過選擇唔多, 餐餐都差不多就真, 咁有時食下燒肉, 有時食魚, 有時食 lokanta 咁又一日啦 ! 我初時以為 Istanbul 會多 D 意大利菜, 不過又唔多覺...
如果你在 Ramadan 時到訪土耳其, Istanbul 基本上一定有得食, 部份多 local 人去的餐廳 ( 如 lonely planet 介紹) 就會 close 一個月, 我地試去過兩間都休息. 土東就比較明顯, 部份餐廳晚上開門, 仲 只有 A餐 B 餐 C 餐選擇, 係 食 套餐 唔會有la carte  點餐, 因為大家都要 晚上8:00 開飯, 所以 佢地會準備 set 方便大家. 中午部份餐廳亦會關門. 不過點都唔會無野食 !

如果你有興趣知道食物的土耳其名, 建議到此一遊 : 　http://www.backpackers.com.tw/guide/index.php/土耳其飲食攻略

Home


張貼者： 於 沒有留言:
訂閱： 意見 (Atom)